Во вторникот, Топ ранг објави дека Наоја „Чудовиштето“ Инуе ќе ја брани својата неприкосновена светска титула во перо категорија против поранешниот светски шампион во две дивизии Луис „Пантера“ Нери на 6 мај во Токио доме.
За Инуе (26-0, 23 нокаути) ова ќе биде деби настап во култната сала. Во борбата ќе учествуваат и тројца други носители на светската титула: Џејсон „Мејхем“ Молони (27-2, 19 КО) ќе ја брани титулата на ВБО во полусредна категорија против Јошики Такеи (8-0, 8 КО); Такума Инуе (19-1, 5 КО) – носител на титулата во полусредна категорија на ВБА и брат на Наоја – ќе го брани појасот против Шо Ишида (34-3, 17 КО); и светскиот шампион на ВБА во мува категорија Сеиго Јури Акуи во реванш ќе се сретне со Таку Кувахара.
Претседателот на Топ ранг, Боб Арум, има големи надежи за настанот. Тој мисли дека тоа би можело да биде еден од најголемите бокс натсани во годината.
„Наоја Инуе е најдобриот боксер на светот, млад човек кој ме восхитува секогаш кога ќе влезе во рингот“, изјави Арум. „Луис Нери е тежок предизвикувач, но целосно очекувам Инуе да ја заврши работата пред повеќе од 50.000 фанови во Токио доме“.
Местото последен пат беше домаќин на боксерски меч во 1990 година кога Џејмс „Бастер“ Даглас го нокаутира Мајк Тајсон за да ја освои неприкосновената круна во тешка категорија.
30-годишниот Инуе кој ја освои својата прва светска титула во април 2014 година, се приближува кон десетгодишната серија во која има титула од барем едно од главните санкционирачки организации во боксот. Ниту рекородт, ниту таа блескава низа титули не ја кажуваат целата приказна за неговата кариера.
Инуе, шампион во четири дивизии, кој има неприкосновени светски титули во полутешка и суперсредна категорија, има скор од 21-0, 19 нокаути во борбите за светска титула. Тој е исклучително доминантен и изгледа непобедливо дури и кога ја зголемува тежината.
Нери (35-1, 27 КО) се претстави добро против Азат Хованисијан, што им помогна на двајцата да влезат во дискусии за борбата на годината. Нери е во победничка серија од четири борби откако беше нокаутиран од Брендон Фигуероа.
