Во ова време кога нема големи мечеви легендите од минатото доминираат во медиумскиот простор.
Откако Мајк Тајсон изрази желба повторно да влезе во рингот на неколку егзебициски мечеви, истото го посака и четири години постариот некогашен ривал Евандер Холифилд.
„Вистинската зделка“ Холифилд беше познат како неверојатен борец со срце, кој можеше да добие неверојатен број на тешки удари и беше единствениот боксер што ја освои титулата неприкосновен шампион во полутешка и тешка категорија. Светската титула во тешка категорија ја освои четири пати.
Холифилд е заинтересиран за нова пресметка со Тајсон, кого го победи два пати на официјалните мечеви, но го интересира и повторно одмерување на силите со Ридик Боу од кого загуби два од три брутални средби.
Последен пат се бореше во 2011 година, кога имаше 48 години.
Како и Тајсон, 57-годишниот Американец објави видео од тренинг со кое го најавува враќањето.
