Хабиб Нурмагомедов: Алах ме направи шампион

Хабиб Нурмагомедов верува дека сите негови успеси дошле затоа што Господ го сакал тоа. Дагестанската ѕвезда е светски шампион во самбо и поранешен УФЦ шампион во лесна категорија. Орелот е еден од најпознатите муслимани во светот.

Постојано покажуваше дека е силен верник и не му пречат критиките. Верувањата на Нурмагомедов понекогаш се критикувани и луѓето веруваат дека тој не живее во 21 век. Хабиб се повлече од ММА пред една година со скор од 29-0 во кафезот и 3 последователни одбрани на титулата на УФЦ.

Многумина веруваат дека тој е најголемиот во историјата на оваа категорија, бидејќи Хабиб доминираше на секоја средба. На својот профил на социјалните мрежи, Хабиб објави видео во кое зборува за својот успех и му посвети се на Алах.

„Многу луѓе прават грешки. Кога стануваат познати или кога се успешни, велат: „Тоа се случи поради мојот ум, поради мојата дисциплина или поради мојот поглед на бизнисот. Затоа и успеав“.

Мислам дека ова е многу голема грешка. Ти успеа само затоа што Аллах го сакаше тоа. Ако Аллах сака нешто, тој го дава. Затоа станав шампион и постигнав успех.

Кога луѓето ми покажуваат почит, кога луѓето ме препознаваат, не се чудам, бидејќи кога Аллах сака нешто, тоа се случува“, рече Нурмагомедов.