И последниот наш боксер, Гоце Јанески, загуби во првата борба на Европските игри во Минск – Белорусија, кои во исто време се и Европско првенство во бокс.
Јанески е поразен со едногласна одлука на судиите од Киран Малој од Ирска, иако прикажа добра борба (30-27).
Малој беше фаворит и пред средбата, бидејќи многу тежи во светскиот бокс со три европски титули, еднаш светски првак и 10 пати шампион на Ирска.
Гоце воопшто не разочара, туку, напротив, многу добро избоксирал.
Сепак, со оваа борба заврши настапот на нашите боксери на Европските игри, во исто време и на Европско првенство.
Со подобра концепција може да имаме и подобри резултати, затоа што овие неколку боксери се талентирани и дисциплинирани спортисти.
