Филип Хрговиќ: Ќе го нокаутирам Мозес Итаума во седмата рунда

Филип Херговиќ даде смелa прогноза за претстојната борба против Мозес Итаума, тврдејќи дека ќе го нокаутира непоразениот Британец во седмата рунда.

Двојката ќе се соочи подоцна ова лето во еден од најинтригантните судири во тешка категорија.

34-годишниот Хрват е уверен дека неговото искуство ќе се покаже како одлучувачко против еден од најперспективните млади борци во светот.

„Херговиќ во седмата рунда – тоа е мојата прогноза за Мозес Итаума. Тоа е одлична борба за мене против млад, амбициозен лав кој ги импресионираше сите… освен мене. Тој би можел да биде следната голема ѕвезда во тешка категорија, но нема да верувам во тоа додека не ги видам неговите црева, неговата брада, неговата волја и неговата издржливост“, изјави Херговиќ за Скај спорт.

Хрватот има скор од 20 победи и само еден пораз во професионалниот ринг. Неговиот единствен пораз дојде во јуни 2024 година против Даниел Дубоа во меч за привремената титула на ИБФ, но оттогаш се врати со победи над Џо Џојс, Дејвид Аделај и Дејв Ален.

Од друга страна, 21-годишниот Итаума останува непоразен со 14 победи, од кои 12 со нокаут. Неговата последна жртва беше Џермејн Френклин, кого Британецот го запре рано.

Во меѓувреме, Меѓународната боксерска федерација (ИБФ) веќе им наложи на Мозес Итаума и Френк Санчез да се соочат за испразнетата светска титула во тешка категорија откако Александар Усик го напушти појасот. Ова значи дека евентуалната победа над Хрговиќ би можела да му ја отвори вратата на Итаума кон првата шанса за светска титула.