Светскиот шампион во тешка категорија Ентони Џошуа е еден од најжестоките нокаутери на нашето време.
Британецот има 24 победи во профи рингот, од кои 22 се со нокаут. Луѓето како Ерик Молина, Доминик Бризил, Чарлс Мартин, Владимир Кличко, Александар Поветкин, Дилиен Вајт, Кубрат Пулев и други страдаа од тешките удари на Ентони.
Имајќи го сето ова на ум, некој би помислил дека боксер со ваква визит-карта ќе биде тешко да каже кој е неговиот омилен нокаут. Во овој случај, сепак, Џошуа не се двоумеше долго пред да признае дека негов личен фаворит е нокаутот против Дилиен Вајт.
Двајцата Британци се соочија во 2015 година, кога идниот светски хегемон го заспа Вајт во седмата рунда со брутален аперкат.
Heavyweight champion of the world @anthonyfjoshua tells @1bbradfo his favourite knockout as a professional. #Boxing pic.twitter.com/O2eTKQrmWv
— 𝐓𝐡𝐞 𝐒𝐩𝐨𝐫𝐭𝐢𝐧𝐠 𝐍𝐞𝐰𝐬 Australia (@sportingnewsau) February 1, 2021
„Мојот омилен нокаут е против Вајт“, призна 31-годишниот Џошуа.
„Тоа беше многу сладок момент. Јас и Дилиен имаме историја уште од нашите аматерски години. Кога конечно се соочивме во 2015 година, јас бев среќен.
Сакав да видам дали се точни сите работи што ги кажа на Интернет. А борбата беше за Лондон, насекаде луѓето беа поделени.
https://www.youtube.com/watch?time_continue=84&v=WydUBc9dDNo&feature=emb_logo
Ако тогаш се ставиле 100 фунти на тоа дете за да станете светски шампион, тоа ќе беа брзи пари, затоа што со тој аперкат го зацементирав патот до успехот што го изодив“, рече Џошуа
