Иницијативниот одбор за свикување на вонредно Собрание на Боксерската федерација на Македонија (БФМ) во состав Оливер Станоков, Фатон Салиху и Илија Младеносвки нема на кого да го предаде барањето.
Секретарот на Федерацијата, Душко Сачкарски, не е во канцеларијата, која им е дадена на услуга поради тешката ситуација, бидејќи со месеци не земал плата, можеби и години.
Да потсетиме дека БФМ е суспендирана од страна на АИБА поради неплатена членарина за две години. Поради ова нашите боксери Гоце Јанески и Јасин Лама не можат да учествуваат на Светското првенство. Од друга страна, „Златниот гонг“ е избришан од каленадарот ЕБУЦ.
Од Иницијативниот одбор велат дека речиси сите клубови ја поддржуваат иницијативата за вонредно Собрание.
Ipon.mk/В. Д.
