Англичанецот Џек Катерал со едногласна одлука го победи Шкотланѓанецот Џош Тејлор во одличен боксерски меч во „Фрст директ арената“ во Лидс, што беше негов втор пораз во низа.
Тејлор е поранешен апсолутен шампион во суперлесна категорија, кој минатата година го претрпе првиот пораз во кариерата од Теофимо Лопез.
А Катерал и Тејлор веќе еднаш се сретнаа во рингот. Во февруари 2022 година шкотскиот борец ги освои и ги одбрани шампионските појаси на ВБА (Супер), ВБЦ, ИБФ и ВБО.
Џек чекаше нешто повеќе од две години за реванш, а во меѓувреме ги победи Дараг Фоли и Хорхе Линарес.
Победникот од саботната борба повторно го решаваа судиите, а овој пат предноста отиде на страната на англискиот боксер.
Тејлор премногу осцилираше во реваншот, додека Катерал го задржа ритамот и со паметна тактика го градеше патот до победата.
Сите тројца судии бодуваа во негова корист, двапати 117-111 и 116-113.
Познатиот промотер Боб Арум по мечот не го криеше разочарувањето од поразот на Тејлор.
„Видов се. Судиските картони се срамни, апсолутна срамота. Навистина ми е жал за Џош. Верувам дека победи, а судиите како бодуваат е смешно. Ова е лекција и затоа никогаш не дозволувам моите американски боксери да боксираат овде, додека мечот го бодуваат Британци. Бодувањето беше срамно“, изјави Боб Арум.
Bob Arum: Those scorecards were a disgrace.pic.twitter.com/ewEwRgFWJY
— Jed I. Goodman © (@jedigoodman) May 25, 2024
