Хамзат Чимаев рече дека повеќе би сакал да се бори против Камару Усман отколку со Израел Адесања. 26-годишниот Чеченец крена голема врева околу себе откако победи во три борби во УФЦ за 66 дена. „Борз“ подобри неколку рекорди и освои три бонуси. Успеа да ги заврши сите 9 борби и сè уште не ја вкусил горчината на поразот. Чимаев се бори во средна и полусредна категорија.
Тој стана миленик на Дана Вајт и за само неколку дена ги зголеми своите следбеници на социјалните мрежи за над милион. УФЦ договори борба со Леон Едвардс во март. Доколку Чимаев победи, тогаш можеме да го видиме во дуел за титулата со Усман. Чимаев тренира борење уште од 5-годишна возраст и сака да биде тестиран против Усман, затоа што е добар во борење.
„За мене е поинтересно да се борам со Камару Усман отколку со Израел Адесања. Мојот тренер ја избира категоријата во која ќе се борам. Ако сака да се борам во полутешка категорија, тогаш ќе се борам таму. Ако тој сака да биде во полусредна категорија, тогаш ќе биде таму. И двете тежински категории се мои, ми соодветствуваат.
Се разбира, сметам дека е поинтересно да се бориме со Усман отколку со Адесања, бидејќи тој добро се бори. Сите велат дека е добар борач. Сакам да и покажам на Америка дека руската школа за борење е најдобра. Ќе се подготвувам во салата „Ол старс“, но ќе поканам борци кај мене.
Има добри борачи во Чеченија, не треба да поканувате олимписки шампион или светски шампион. Може да земете мајстор за спорт со добро ниво. Како и да е, борбите во ММА и на душек се сосема различни работи. Ми треба борач кој може да се бори во кафезот“, изјави Чимаев.
