Боб Арум ги процени шансите за враќање на Тајсон Фјури

Легендарниот американски промотор Боб Арум го изрази своето мислење за можноста британскиот шампион во бокс Тајсон Фјури да ја продолжи кариерата, и покрај неговото најавено пензионирање. Како што е познато, на почетокот на јануари 2025 година Фјури објави дека официјално ја завршува кариерата.

„Кога станува збор за Тајсон, никогаш не можете да кажете „никогаш“. Сепак, тој заработи неверојатна сума пари, особено во последните три борби во Саудиска Арабија. Сега само ги жнее плодовите од својот труд. Ужива во животот како што треба да биде. И со секој изминат ден и месец, шансите да се врати на рингот стануваат сè помалку веројатни. А сепак – ова е Тајсон Фјури, никогаш не можете да бидете целосно сигурни. Ако требаше да одговорам веднаш – би рекол „не“, тој е во пензија и веројатно ќе остане таков. Но, за шест месеци може одеднаш да се предомисли. „Ова е Фјури – сè е можно“, изјави Арум за Токспорт.

Долго сметан за еден од најдоминантните и најхаризматични шампиони во тешка категорија, Фјури стана огромна ѕвезда надвор од рингот благодарение на неговата непредвидлива природа и способност да се опорави од долги отсуства. Собирајќи огромно богатство од низа мегаборби на Блискиот Исток, вклучително и против Франсис Нгану и Алексанадр Усик, многумина веруваат дека Фјури нема што повеќе да докажува. Но, во боксот – а особено со името Тајсон Фјури – ништо не е сигурно.