Белфорт сака борба со Канело – победникот собира 40 милиони долари

83

Дали наскоро ќе имаме боксерска гала вечер каде никој нема да ги предизвика браќата Џејк Пол и Логан Пол?

Ова дефинитивно не се случи минатиот викенд, кога и Витор Белфорт и Андерсон Силва изразија желба да се борат со интернет ѕвездите. Но, немаме за што да ги обвинуваме: јасно е дека ова ќе бидат најлесните милиони што ги заработија.

За среќа, сепак, Белфорт има многу посериозна цел. Откако понуди 30 милиони долари за меч со Џејк Пол, Бразилецот е подготвен да се бори со Сол Алварез – Канело за 40 милиони долари.

„30 милиони за Џејк Пол и 40 милиони за Канело“, рече Белфорт и додаде: „Како можат да ја одбијат оваа борба? Победникот зема се. Или ако Оскар сака да се бориме, тогаш и тој може да умре”.

Белфорт изгледа доста сериозно во врска со своите намери и во исто време доста лут што Џејк Пол се потсмева со боксот.

„Џејк Пол заслужува борба. Ги избира своите противници. Работи со Накиса Бидаријан, кој работеше со Лоренцо Фертита, нашиот поранешен шеф. Ги избира своите противници. Но, сега не може да ме одбие. Мора да прифати. Ќе му одржам лекција.

Ако одбие, сите негови мали обожаватели ќе треба да дојдат кај мене – ќе направам канал на Јутјуб во кој ќе бидеме тројца спортисти во една куќа и ќе ги забавуваме. Овој човек нема морал, нема семејни вредности. Тој не е претставник на борците.

Тој само бара внимание и некој треба да му удри шлаканица. И тоа ќе бидам јас. Неговиот татко“.

Но, ако не е Џејк Пол … тогаш кој е?

Канело, 40 милиони“, рече Белфорт и нагласи:

„Парите се на маса. Како може да одбиете 40 милиони“?

Тоа можеби се многу пари за ММА борец, но ве потсетуваме дека Канело го одби договорот со ДАЗН за 365 милиони долари и заработи повеќе од 40 милиони од просечниот меч со Били Џо Сандерс во мај 2021 година. И тој е исто така еден од ретките што не обрнува внимание и не е заинтересиран да го селдат Пол (барем засега). Што е одлично.