Бадр Хари: Заедно се приближуваме до голема победа

Бадр Хари продолжува засилено да се подготвува за една од најголемите борби во кариерата, за титулата во тешка категорија со Рико Верховен, кој долги години го држи појасот и нема кој да го симне од тронот. Втората нивна борба ќе се одржи на Глори Колишн 2 на 21 декември во Арнхем на стадионот Гелредоме.

Двете легенди ќе имаат 5 рунди за да одлучат кој е подобар. Пред три години, Хари доминираше во првата рунда, но во втората се повреди и загуби со технички нокаут. Сега е во животна форма и самоуверено верува дека ќе постигне голема победа за 21-ви во Арнхем.

„Се приближува моментот на вистината. Сам и гледам на судбината во очи. На прв поглед сум сам, но не е така. Вашата секојдневна поддршка ме тера да чувствувам дека мојата војска е зад мене.

Заедно се приближуваме до голема победа. Време беше да се фокусирам и да работам во тишина. Се гледаме наскоро на 21 декември. Тие не се подготвени за мене“, порача Бадр Хари.

https://www.instagram.com/p/B5VHcyOFtQh/?utm_source=ig_embed
ПОВРЗАНИ ВЕСТИ

ПОПУЛАРНО