Легендарната 20-годишна кариера на Бадр Хари најверојатно е завршена по неговиот пораз од Алистер Оверем.
„Златното момче“ на Мароко го сподели рингнот со ривалот во трилогијата која обожавателите ја чекаа 13 години. Бадр водеше на картичките кај судиите по првите 2 рунди. Во третата Оверем двапати го испрати на подот, што ја превагна борбата во негова корист. Алистер победи со едногласна одлука.
„Навистина размислувам да ја завршам кариерата. Ако не се видиме повторно, тогаш ти благодарам за сè!“, изјави Хари по поразот од Оверем.
Своето професионално деби Хари го имаше пред две децении, натпреварувајќи се првенствено во Холандија, со повремени екскурзии во други делови на Европа.
Три години подоцна, Хари се приклучи на јапонскиот К-1 ФЕГ, каде што го воспостави своето име како еден од најистакнатите натпреварувачи во тешка категорија на неговата генерација за време на она што сега се смета за златно доба на кикбоксот.
За време на деветгодишното учество во промоцијата, Хари ќе го освои К-1 шампионатот во тешка категорија со нокаут во првата рунда на Јусуке Фуџимото и ќе направи една успешна одбрана на титулата со нокаут во првата рунда над Глаубе Фејтоза.
Хари ќе заврши како вицешампион двапати на Светското Гран при К-1, претрпувајќи порази од Реми Бонјаски во финалето во 2008 година и од Семи Шилт во финалето во 2009 година, а тие се сметаат за едни од најголемите.
Додека учествуваше во настаните на К-1 Хари се натпреваруваше и на „Тоа е Шоутајм“ каде што беше и шампион во тешка категорија. Неговото најголемо достигнување во промоцијата, а можеби и најголемото достигнување во кариерата, беше нокаутот за 45 секунди на 4-кратниот победник на К-1 Гран при Семи Шилт.
За жал на Бадр, неговата среќа брзо се промени. Тој заработи повреда во борбата без титула со Рико Верховен кон крајот на 2016 година. Му требаа 15 месеци пред повторно да се бори и во првата борба по повредата доби 19-месечна забрана за допинг против Хесди Гергес.
Во овој момент, на повеќето обожаватели им беше јасно дека староста и амортизацијата го стигнаа Хари, но сепак продолжи да се бори уште 5 пати. Бадр се обиде да докаже дека се уште може да се натпреварува со најдобрите, но за жал не успеа.
Иако беше конкурентен во сите овие мечеви и водеше на поени, сепак продолжи да губи и отиде во серија од 5 порази. Очигледно последниот пораз од Оверем го убеди дека е време да ги спушти ракавиците.
Контроверзна фигура и во рингот и надвор од него, Хари им приреди на љубителите на кикбоксот голем број забавни борби. И покрај неговата лоша форма во последните борби, тој сè уште е меѓу најдобрите во историјата на тешка категорија.
Бадр Хари забележа импресивна статистика која вклучува 106 победи и 17 порази. Во 92 од неговите борби победи со нокаут.
View this post on Instagram
