Анатоли Малихин објасни зошто не сака да се приклучи на УФЦ
Шампионот на ОНЕ Шампионатот во средна и полутешка категорија, Анатоли Малихин од Русија, објасни зошто не размислува за преселба во УФЦ.
38-годишниот Малихин е единствениот борец во историјата на ОНЕ кој станал шампион во три различни теѓински категории. Кон крајот на 2024 година ја стави титулата на коцка против Умар Кејн, кој го победи и го симна од тронот. Реваншот меѓу нив е закажан за средината на мај во Бангкок.
Многу борци сонуваат за УФЦ, но Малихин не е еден од нив. Тој планира да остане лојален на ОНЕ Чемпионшипp бидејќи тие му излегоа во пресрет кога никој не го сакаше.
„Шефот (извршниот директор на ОНЕ, Чатри Ситиодтонг) ме зеде кога никој не ме сакаше. И ми ги создаде сите услови, ми даде добра работа. Ми даде сè за што некогаш сум сонувал! Ми даде сè за моето семејство! Дали мислиш дека бидејќи ми понудија малку повеќе пари, малку подобар публицитет, треба да оставам сè тука и да одам таму? Да заборавам сè што беше направено за мене? Дека ме зедоа кога никому не му требав? Кога самиот шеф ќе ми каже: „Тоа е тоа, Анатоли, повеќе не си потребен, завршивме со тебе“, тогаш можеби ќе размислам за друга лига. Во моментов, тоа не е опција“, рече Малихин.
Малихин има скор од 14-1 во ММА и секоја од своите победи ја добил со завршница.
View this post on Instagram
