Аманда Нунеш ја совлада Џулијана Пења и си го врати шампионскиот појас, Морено и Павлович славеа со прекин

135

Аманда Нунеш (22-5) и се реваншираше на Џулијана Пења (11-5) за поразот во последната борба и си го врати шампионскиот појас на УФЦ во бантам категорија.

Во главната борба на настанот УФЦ 277 во Американ ерлајнс центарот во Далас бразилската борачка ја победи Џулијана со едногласна одлука во фантастичен меч полн со акција и крв.

Аманда влезе во мечот од контрагард, но Џулијана беше претпазлива, па почетокот на мечот беше испитување на силите.

Бразилката беше многу поактивна во борбата на нозе, но шампионката возврати со одлични боксерски комбинации на крајот од рундата.

Во продолжение Аманда брилијантно ја контролираше противничката која во еден момент стресена заврши на грбот.

Таа успеа да застане на нозе, но бразилската воинка погоди уште една одлична десна контра, а шампионката повторно се најде на грб.

Аманда одлично го контролираше мечот, а до крајот на рундата уште еднаш ја испрати Џулијана на подот.

Во средината на третата рунда Аманда ја потврди доминацијата, па повторно ја демолираше противничката и продолжи да ја удира со лакти. Направи сериозна расекотина на главата на Џулијанa.

Во последните две рунди борбата најмногу се водеше на партер, каде Аманда уште еднаш имаше предност.

Џулијана знаеше дека ја губи борбата, па бараше завршница, но не ја доби. Крвта која изобилно течеше од расекотината очигледно и пречеше на шампионката на крајот од мечот.

Така, Аманда Нунеш повторно стана двократна шампионка на УФЦ. На титулата во перо категорија ја додаде и оваа во бантам.

Поранешниот шампион во мува категорија Брендон Морено (20-6-2) уште еднаш го докажа својот квалитет.

Мексиканскиот борец во конасловната борба со прекин во третата рунда го победи Новозеланѓанецот Каи Кара-Франс (24-10, 1НЦ).

Брендон беше поуспешен од Каи и во вториот дуел, а во првиот меч од 2019 година победи со едногласна одлука на судиите.

Мексиканецот влезе во оваа борба малку понапнато, а му требаше малку време да се извлече од грчот. Можеби на тоа му удоволувше и противникот го кој во втората минута го погоди во болна точка, па мечот за момент беше прекинат.

Во втората рунда Морено беше многу порелаксиран и почна да се бори со преден директ, а Кара-Франс возврати со десен низок удар.

Како одминуваше средбата поранешниот шампион почна да доминира во борбата на нозе.

Новозеланѓанецот на почетокот на третата рунда го собори Морено и го расече под окото. Откако се вратија на нозе, Брендон смени во повисока брзина.

Во еден момент Мексиканецот го искористи невниманието на противникот и со одличен лев среден удар го погоди Каи, кој со болна гримаса на лицето падна на подот. Со серија удари од доминантна позиција ја заврши работата.

Во мечот во тешка категорија, Русинот Сергеј Павлович (16-1) го совлада американскиот борец Дерик Луис (26-10, 1НЦ) со прекин за 55 секунди и ја постигна четвртата победа во низа.

Тоа беше трет пораз за Црниот ѕвер во последните четири борби. Сите три порази се со прекин.

Павлович најпрвин силно го стресе противникот, кој по фантастичната серија удари падна на подот. Рускиот борец продолжи да удира, а судијата Ден Мираљота го прекина мечот.

Луис негодуваше поради предвременото прекинување на борбата, но на крајот мораше да го прифати поразот.

Павловиќ пред борбата против Црниот ѕвер беше 11-ти на листата на предизвикувачи, а по оваа победа ќе скокне во рангирањето.

Александре Пантоја (25-5) го победи Алекс Перез (24-7) со завршница (заклучување на вратот) во мечот во мува категорија. Бразилецот веднаш тргна агресивно и за неполна минута го собори противникот.

Перез успеа да се исправи на нозе, но Пантоја остана на грб. Во таа позиција успеа да го заклучи вратот на Перез, кој ја предаде борбата. Тоа беше трета победа во низа за Александру Пантоја.

Во пресметката на високорангираните предизвикувачи во полутешка категорија, Дагестанецот Магомед Анкалаев (18-1) со прекин во втората рунда го победи локалниот борец Ентони Смит (36-17). Тоа беше деветта победа во низа за Анкалаев.

Двајцата влегоа претпазливо во мечот без да преземат поголем ризик. Дагестанскиот борец беше нешто поактивен во првата рунда. Смит на паузата се пожали на повреда на зглобот. Потоа Американецот побара уривање.

Во средината на втората рунда Анкалаев со серија одлични удари го погоди Смит, кој ја покри главата и не се бранеше активно.

Судијата побара од него да се бори поактивно, а бидејќи не можеше да го направи тоа, мечот беше прекинат. Американецот очигледно страдаше од повредата на скочниот зглоб.

Резултати од настанот УФЦ 277:
Аманда Нунеш – Џулијана Пења – едногласна одлука (50–45, 50–44, 50–43)
Брендон Морено – Каи Кара-Франција – ТКО, Р3 (4:34)
Сергеј Павлович – Дерик Луис – ТКО, Р1 (0:55)
Александар Пантоја – Алекс Перез – завршница (заклуч. на вратот) Р1 (1:31)
Магомед Анкалаев – Ентони Смит – ТКО, Р2 (3:09)

Воведни борби:
Алекс Мороно – Метју Семелсбергер – едногласна одлука (29–28, 29–28, 30–27)
Дру Добер – Рафаел Алвеш – КО, Р3 (1:30)
Хамди Абделвахаб –Дон Тале Мајес – поделена одлука (29-28, 28-29, 29-28)
Дракар Клосе – Рафа Гарсија – едногласна одлука (29–28, 29–28, 29–28)
Мајкл Моралес – Адам Фугит – ТКО, Р3 (1:09)
Џозелин Едвардс – Џи Јеон Ким – поделена одлука (28–29, 29–28, 30–27)
Николае Негумереану – Ихор Потиерија – ТКО, Р2 (3:33)
Орион Косче – Мајк Матета – едногласна одлука (29–28, 29–28, 29–28).

 

View this post on Instagram

 

A post shared by ESPN KnockOut (@espnknockout)