Агит Кабајел призна дека одбил понуда да се бори со Владимир Кличко: Сакам да станам светски шампион

Сè уште се зборува за можно враќање на Владимир Кличко на рингот. Поранешниот светски шампион привлече големо внимание во декември минатата година со изјавата во која, по осум години, најави можно враќање во борбата.

Брилијантниот Украинец наполни 49 години во март и би можел да го сруши рекордот на Бернард Хопкинс како најстар борец кој освоил појас за светски шампион. Хопкинс успеа да го стори тоа на 49 години и 94 дена.

Доколку Владимир се врати и ја освои титулата, би го надминал рекордот на Џорџ Форман како најстар шампион во тешка категорија (45) во историјата.

Кличко се пензионираше во 2017 година по два последователни порази. Две години претходно загуби од Тајсон Фјури, а потоа Ентони Џошуа беше подобар од него, победувајќи го со прекин во 11-тата рунда.

Неодамна се појави информација дека привремениот шампион на ВБЦ, Агит Кабјаел, е еден од можните противници на Кличко во борбата за враќање.

Непоразениот германски борец, кој убедливо го победи Франк Санчез минатата година и го нокаутира Жилеј Жанг во шестата рунда во февруари оваа година, признава дека бил во искушение да ја прифати понудата да се бори со „Д-р Стилхамер“.

„Да, ја добив понудата. Споменатата сума би ги натерала некои луѓе да паднат од столчиња и да речат: „Еј, тоа е борба за пари, направи го, прифати го“, рече Агит Кабајел, кој реши да ја стави својата потрага по светска титула на прво место:

„Навистина морам да размислам дали парите се толку важни за мене. Дали треба да кажам: „Добро, сакам голема хонорар“. Отсекогаш сум бил спортист и тоа ми е прв приоритет. Сакам да станам светски шампион и нема ништо друго. Можеби еден ден ќе добијам сума што нема да можам да ја одбијам. Но, сега сакам да останам на спортскиот пат и да го достигнам врвот“.