Адил Мехмед освојувач на сребрениот медал на Балканското првенство за сениори во категоријата до 67 килограми, можеби не беше вбројуван во фаворитите во оваа категорија, бидејќи е најмлад во репрезентацијата.
„Очекував дека ќе освојам медал, но не се надевав на финале. Тренирав напорно претходниот период за сите натпреварувања. Научив од грешките што ги направив и со малку среќа успеав да влезам во финале“.
До финалето Адил се бореше многу сигурно и напаѓаше, но решавачката битка излезе со нова тактика.
„Натпреварувачот од Србија беше многу поискусен и мораше да водам позатворена борба. Немаше простор за грешки“.
Иако Стефан Јоксиќ беше поискусен натпреварувач, сепак и тој борбата ја доби речеиси со еден среќен поен.
„Според многумина, тоа не беше поен. И тој имаше респект спрема мене, бидејќи претходните борби ги добив со 13 освоени поени и ниту еден изгубен“.
Мехмед со ова го најави своето влегување во сениорската репрезентација за ЕП во Монпелје.
„Се надевам дека на претстојните кола од Карате 1 Премиер лигата, кои ќе бидат одлучувачки, ќе бидам успешен и уште толку ќе зголемам бодовната разлика во одонос на конкурентите“.
Следни настапи го очекуваат на Светскиот куп во Лашко – Словенија и Премир лигата во Салзбург-Австрија, каше што очекува добри палсмани.
Ipon.mk/В.Д.
