Украинскиот шампион во кик-бокс, Сергеј Лашченко е убиен денеска во Одеса во престрелка при која се повредени уште две лица. На Лашченко и уште двајца негови пријатели одненадеж било пукано од непознати напаѓачи.
Шампионот од Павлоград имаше 28 години, со педигре на еден од најдобрите кик-боксери на светската сцена. Лашченко во 2011 година беше победник на престижниот Суперкомбат во светската Гран При серија. Во кариерата имаше 47 борби, од нив 33 ги заврши со победа.
