Увејс Фејзулаху победник во баш категорија, а „Ацо Крстев“ е најдобар клуб на турнирот во пеливанско борење во Куклиш

Победник во баш категоријата турнир во традиционално пеливанско борење во Куклиш, Струмица, е познатиот спортист Увејс Фејзулаху, додека Клубот за традиционално борење Ацо Крстев е прогласен за најуспешен на турнирот.

„Вчера во Куклиш, Струмица, успешно се одржа турнир во традиционално пеливанско борење, кој помина во позитивна атмосфера и со многу атрактивни борби.

Овој настан има големо позитивно значење за развојот и промоцијата на традиционалното борење и спортскиот дух“, велат од Федерацијата за традиционално пеливанско борење.