Махачев: Имам неколку опции за следната одбрана, не само Иан Гари

Ислам Махачев рече дека и покрај многуте гласини за можна одбрана на титулата против Иан Мачадо Гари, УФЦ во моментов официјално не го информирал за неговата следна борба.

Во последните денови сè повеќе информации укажуваат дека Иан Гари е фаворит да биде следниот предизвикувачот за појасот во велтер категорија, но шампионот нагласи дека ситуацијата е далеку од решена.

„УФЦ сè уште не ме известил за ова“, изјави Махачев за Ред корнер ММА. „Постојат многу гласини дека ќе се борам со Иан Гари, но сè уште не сум разговарал со УФЦ за оваа борба.“

Русинот откри дека има неколку различни опции за првата одбрана на титулата.

„Не можам со сигурност да кажам кој ќе биде следниот предизвикувач. Имам уште три или четири можни борби. Камару Усман е исто така меѓу нив. Иан Гари, Мајкл Моралес, Пратес. Тоа се четири. Покрај тоа, Шавкат Рахмонов би можел да биде и петта опција“.

Махачев нагласи дека за него не е важно кој ќе биде избран, сè додека борбата е официјално закажана.

„Сите чекаат шанса за титулата. На еден или друг начин, ќе морам да се борам со некого, без оглед на тоа кого ќе избере УФЦ“, додаде шампионот.