Карлос Пратес: Дојде моето време – ќе се борам со победникот од Махачев – Гари

Карлос Пратес рече дека се гледа себеси како следен кандидат за титулата во полусредна категорија на УФЦ ако го победи Џек Дела Мадалена.

Во разговор за ММА манија, петторангираниот Бразилец му го оддаде на противникот потребното почитување, но нагласи дека моментот е негов:

„Дела Мадалена е многу добар напаѓач, опасен борец со одличен бокс. Го почитувам, но мислам дека дојде моето време. Веќе знае како е да се држи појасот“.

Пратес е категоричен за тоа што следи ако е успешен:

„Ако го победам, тоа ме прави следен предизвикувач за титулата“.

Тој веќе гледа кон потенцијалната следна борба:

„Ислам Махачев и Иан Гари ќе се борат во август – јас ќе се соочам со победникот“.

Бразилецот дури и го прогнозираше и развојот на таков меч:

„Не мислам дека ќе трае пет рунди, но ако се случи, ќе бидам подготвен“.