Доминација на македонските кендоки на „Солун опен“

Изминатиот викенд македонските кендоки од Јошин, Вардар и Кендо клубот Охрид учествуваа на 18-тиот Меѓународен кендо турнир „Солун опен“.

Во силна конкуренција од околу 200 натпреварувачи од 40 клубови од 18 земји, нашите борци доминираа во младинските категории, освојувајќи ги првите места кај пионери, кадети и јуниори. Во категоријата ветерани, сите места на подиумот им припаднаа на искусните македонски натпреварувачи.

Во главните индивидуални категории (мажи и жени), македонските претставници стигнаа до осминафинале, односно четвртфинале.

Вториот ден од турнирот беше резервиран за екипните натпревари. Младинците настапија за своите клубови, а беа формирани и мешани состави од повеќе клубови со цел стекнување дополнително искуство. Сепак, на врвот во оваа категорија се искачија избраниците на Јошин и Охрид.

Во сениорска екипна конкуренција, тимот на Јошин оствари пет победи и еден пораз – во финалето од националниот тим на Србија – со што го освои второто место.

Состав на селекцијата
Пионери
Марко Петрески, Максимилијан Климоски, Меланија Крстевска и Михаил Миленковиќ

Кадети
Јована Андоноска, Василиј Ристески, Давид Алексовски и Гордан Чоланчевски

Јуниори
Димитар Крстевски и Матеј Илиоски

Сениорки
Ангела Атанасовска и Ивона Лазаровска

Сениори
Андреј Александров, Олег Бичковски, Александар Кесковски, Матеј Ивановски, Дарко Велковски, Кирил Наумоски и Дино Конески

Ветерани
Александар Петрески, Глигор Дубровски, Владимир Пешков и Андреј Атанасовски

Тренери
Андреј Атанасовски (Скопје)
Александар Петрески (Охрид)

Индивидуални резултати:

Пионери (12 учесници)
1.Михаил Миленковиќ (МКД)
2.Меланија Крстевска (МКД)
3.Василис Апостополус (ГРЦ)
3.Мартин Корзак (УНГ)

Кадети (15 учесници)
1.Гордан Чоланчевски (МКД)
2.Јована Андоноска (МКД)
3.Давид Алексовски (МКД)
3.Орестис Бодорад (УНГ)

Јуниори (14 учесници)
1.Матеј Илиоски (МКД)
2.Илај Володарску (ИЗР)
3.Барнабаш Ковач (УНГ)
3.Милош Петровиќ (СРБ)

Ветерани 40+
1.Глигор Дубровски (МКД)
2.Александар Петрески (МКД)
3.Андреј Атанасовски (МКД)
3.Владимир Пешков (МКД)

Екипни резултати:
Јуниори
1.Зен Кен Доџо Јошин
(Марко Петрески, Давид Алексовски, Димитар Крстевски)
2.Бутокудаи – Грција
3.Јошин Б
(Максимилијан Климоски, Василиј Ристески и Матеј Илиоски)
3.Фудошикан – Израел

Сениори
1.Србија
2.Зен Кен Доџо Јошин
2.Онамикаи