Промовиран Карате клубот во основање Зрновци (ФОТО)
Денес во Зрновци беше промовиран Карате клубот во основање Зрновци.
Професор д-р Чедомир Саздовски, претседател на Унијата на карате ветерани на Македонија со видео проекција објасни кои се придобивките од вежбањето карате до вештината и на спортско карате.
Саздовски се осврна и на историјата на каратето во салата на ОУ „Синиша Стоилов“ во Зрновци.
Потоа истакнатите карате мајстори Љупчо Кафеџиоски и Славе Ѓорески направија демонстрација на карате техники на што присутните дечиња реагираа со возбуда. Покрај нив, демонстрација направија и Саздовски и Мишел Антонов, кој ќе го води клубот, инаку носител на мајсторски појас 3 дан во стилот вадо рју.
На презентацијата присуствуваа дечиња од ОУ „Синиша Стоилов меѓу кои имаше и професори каратисти, градоначланикот на Оштина Зрновци Ванчо Митев, директорката на училиштето Слаѓана Гаврилова и членови на Советот на Општина Зрновци, како и претставници на други институци од Кочани.
