Мајк Тајсон за влегувањето на Дана Вајт во светот на боксот: Боксот е расипан, тоа е златното правило

Претседателот на УФЦ, Дана Вајт, ќе ја започне својата боксерска промоција Зуфа бокс/ Zuffa Boxing во петок во Мета Апекс во Лас Вегас. Вајт неодамна објави промотивно видео во кое се претставува себеси како спасител на боксот.

https://twitter.com/danawhite/status/2012315201539076343

Но, неговата репутација во УФЦ можеби не е доволна за да го „поправи“ боксерскиот свет.

Барем така мисли неговиот долгогодишен пријател и поранешен шампион во тешка категорија на ВБЦ, Мајк Тајсон, кој знае по нешто за сомнителните промотори откако бил измамен од Дон Кинг во 1980-тите. Пензионираниот „Железниот Мајк“ нуди едноставен рецепт за успех – а тоа вклучува газење на секој што ќе му се испречи на патот.

„Боксот е создаден расипан и таков ќе умре“, изјави Тајсон за Хард рок бет.

„Мора да сфати со какви луѓе има работа. Мислам дека разговарал со Турки (Алалших), но не мислам дека навистина се соочил со јадрото на боксерските луѓе. Мора да ги скрши сите. Во боксот, сè никогаш не е на маса. Секогаш има нешто под масата што не го знаеме, а тоа е боксот. Го знам тоа. Тоа е златното правило на боксот.

Зуфа бокс, кој ги вклучува најдобрите боксери од сопствената база на Вајт, сè уште има долг пат пред да може да се етаблира како сериозен фактор во боречките спортови. Но, дури и ако Вајт не успее, Тајсон верува дека „благородната вештина“ ќе живее засекогаш благодарение на лојалната група боксерски фанови кои ги следат сите големи борби.

„Знаете што е интересно во врска со боксот? Речиси е невозможно да се откаже. Ја има оваа примарна група фанови благодарение на кои може да живее засекогаш. Дури и ако боксот направи пауза, има „хардкор“ фанови и тоа е доволно за да преживее. УФЦ нуди повеќе забава и возбуда. Кога нема борба, кога борбата ќе заврши, забавно е додека не започне следната. Во боксот, чекаш, луѓето се гледаат, разговараат, додека во УФЦ, секогаш се случува нешто“.