Ислам Махачев сака да учествува на турнирот на УФЦ во Белата куќа

Шампионот на УФЦ во велтер категорија, Ислам Махачев, изјави дека сака да биде дел од турнирот, кој ќе се одржи на 14 јуни 2026 година во Белата куќа.

„Следната борба – голем турнир – ќе биде во Белата куќа. Можеби ќе ми биде прва и последна. Зошто да не се пријавам за овој турнир“?, рече Махачев на прес-конференцијата.

34-годишниот Дагестанец неодамна го освои шампионскиот појас во велтер категорија откако го победи Австралијанецот Џек Дела Мадалена. Махачев е во исклучителна серија од 16 последователни победи под покровителство на УФЦ.

Хабиб Нурмагомедов претходно изјави дека не го поддржува учеството на Ислам на турнир организиран на теренот на Белата куќа во Вашингтон.