Нејт Дијаз: Одбив борба со Хабиб во 2014 година затоа што не беше познат
Нејт Дијаз настојува да докаже дека немал мотив да се бори со Хабиб Нурмагомедов кога му била понудена шанса да се соочи со него.
Извршниот директор на УФЦ Дана Вајт објави дека Дијаз одбил борба со Нурмагомедов во 2014 година, одлука на која менаџерот на Дијаз во тоа време застана во негова одбрана. Двајцата никогаш не се бореле, но биле замешани во расправија во 2015 година на настан на ВСОФ.
Дијаз (21-13 ММА, 16-11 УФЦ) објасни зошто никогаш не се соочил со Нурмагомедов (29-0 ММА, 13-0 УФЦ).
„Велат дека го одбив. Дури и не знаев кој е. Ми понудија борба со Хабиб кога беше сосема нов. Се борев за титулата и веќе се борев со многу луѓе, а тие ми понудија борба со Хабиб. Реков: „Еб* се. Ќе си направиш име преку некој почетник? Дај ми некој во првите пет“.
Тукушто се борев со шампион, а сега морам да се борам со некој што е далеку подолу на ранг-листата? Хабиб ќе биде како: „Нејт ме одби 20 пати“. Ќе му кажам: „Доби шлаканица, кучко“, му рече Дијаз на Снико за Нурмагомедов.
Дијаз се бореше за титулата во УФЦ само еднаш, но патот до светската слава го однесе откако му го нанесе првиот пораз на Конор Мек Грегор во октагонот со победа со завршница на УФЦ 196. Тој беше поразен со одлука на судиите во нивниот реванш на УФЦ 202 и продолжи да се бори за УФЦ до 2022 година.
Нејт го напушти УФЦ откако го победи Тони Фергусон на УФЦ 279, но ја остави вратата отворена за потенцијално враќање.
View this post on Instagram
