Чарлс Оливеира: Ако Дела Мадалена му дозволи на Махачев да го собори, сè ќе биде завршено

Поранешниот шампион на УФЦ во лесна категорија Чарлс Оливеира се изјасни за потенцијалниот меч во велтер категорија меѓу Ислам Махачев и австралиската ѕвезда Џек Дела Мадалена. Според Бразилецот, исходот од борбата целосно ќе зависи од способноста на Дела Мадалена да го издржи борењето на Махачев.

„Ислам ќе изгледа многу добро во велтер категорија. Таму ќе биде физички уште посилен. Ако Џек му дозволи да го собори на подот, ќе биде готово“, рече Оливеира во интервју за Хоум оф фајт на Х (порано Твитер).

Оливеира (35) е еден од најискусните и најуспешните борци во УФЦ. Во професионална кариера има 35 победи, од кои 31 со нокаут или со завршница, 10 порази и еден невалиден меч. Тој го држи рекордот за најмногу завршници во историјата на УФЦ.

Следниот тест за „До Бронкс“ е на 29 јуни на УФЦ 317 во Лас Вегас, каде што ќе се соочи со Илија Топурија во борба за испразнетата титула во лесна категорија.