Двајцата тешкаши Мартин Баколе и Агит Кабајел наскоро треба да организираат елиминаторски меч за предизвикувач на ИБФ.
А актуелен шампион на ИБФ е Даниел Дубоа, кој неодамна во петтата рунда го нокаутира Ентони Џошуа и ја одбрани титулата.
Конгоанецот Баколе се надеваше дека следен противник ќе му биде Кинескиот тешкаш Жилеј Жанг, но од боксерската организација соопштија дека противник ќе биде германскиот борец Кабајел.
„Моментално сум во Конго каде напорно тренирав за Биг Жанг. Слушам дека ја одбил борбата, но ги заборавил патиките. Жанг, престани да бегаш. Знам дека твојот тим те чува, бидејќи не сакаат да те видат во нокаут. Но, сега моите мисли се насочени кон Агит Кабајел. Кабајел, подготви се!, рече Мартин Баколе и продолжи:
„Би сакал да се заблагодарам на ИБФ што ми ја даде оваа одлична можност. Со нетрпение очекувам да станам првиот предизвикувач. Кабајел, ќе завршиш во нокаут. Никој не може да ми избега од рака. Јас сум „машина за нокаути“, Мартин Баколе. Следната година е моја! Дубоа, биди подготвен! Џошуа, ти си исфрлен и надвор од конкуренцијата. Фјури, Усик, следната година ќе бидам број еден“!
https://twitter.com/MartinBakole01/status/1843970689642148100
