Нешто повеќе од еден месец останува до враќањето на Френсис Нгану во ММА, односно неговото деби за ПФЛ. По повеќе од две и пол години надвор од спортот и два големи боксерски меча, „Предаторот“ конечно ќе го видиме во неговиот матичен спорт, а повторно ќе му посака добредојде на Ренан Фереира.
Тој е опасен борец кој во последните пет години само загуби од Анте Делија, а со својата импозантна фигура веднаш го привлече вниманието на Френсис. Шефот на ПФЛ, Дејв Мареј, смета дека токму ова е една од главните причини зошто оваа борба е толку интересна:
„Сè помина одлично. Ова се двајца од најразорните, најмоќните удирачи во ММА денес. Ова е најдобрата борба во годината. Ќе го гледате враќањето на Френсис, и тоа против 203 сантиметри високото бразилско осмо светско чудо. Чекаме да видиме колкава штета можат да направат овие двајца“, изјави Мареј за Спопртскееда.
„Френсис ретко кого гледа одoздола. Имаше многу луѓе во животот на кои можеше да се осврне, но физички ретко кого гледа одоздола. Тоа само ви дава идеја за тоа колку е опасен Ренан. Го нокаутира шампионот на Белатор за 21 секунда, Рајан Бадер. Ова ќе биде Годзила против Кинг Конг. Тие се две чудовишта, а сите патишта водат до Ријад. Кој прв ќе погоди“, додаде тој.
Сигурно ќе биде интересно да се види како изгледа Нгану во неговиот камбек натпревар. Моментално доаѓа по пораз од Ентони Џошуа во бокс, а мечот пред тоа водеше многу конкурентна борба со Тајсон Фјури. После сето тоа доживеа голема трагедија и смртта на едногодишниот син, а како сите овие удари влијаеле на Нгану кога е во прашање неговата ММА кариера, ќе видиме. Долго време не се бореше со мали ракавици, додека неговиот противник Фереира беше многу активен борец.
