Поминаа неколку месеци откако Александар Усик (22-0) го симна од тронот Тајсон Фјури (34-1-1) и стана неприкосновен светски шампион во тешка категорија. Оттогаш многу се пишуваше на темата за причините за поразот на британскиот боксер, а се уште е интересно да се слушне мислењето за темата на врвниот тренер Доминик Ингл.
„Според мене, Тајсон не беше доволно добро подготвен, бидејќи на почетокот имаше рунди во кои доминираше со Усик, а во два-три случаи дури и му правеше многу проблеми. Сепак, не можеше да го задржи ова темпо до крајот на мечот. Немаше сила, што значи дека не беше добро подготвен“, изјави Ингл за Боксинг кинг медиа.
Неутралните гледачи беа едногласни дека мечот е поделен на два дела. Во првото полувреме „Џипси Кинг“ беше очигледно подобар во рингот, а во второто ја видовме најдобрата страна на Украинецот, кој за малку пропушти нокаут во 9. рунда.
Кардиото на Усик никогаш не било доведено во прашање, додека она на Фјури традиционално е проблем, но не може трајно да се реши со оглед на неговите физички перформанси. Тајсон отсекогаш се потпирал на физичката супериорност во комбинација со брзи раце и добро движење. Но, кога сте висок 206 см и тежите околу 120 килограми, борбите од 12 рунди се секогаш предизвик.
Потсетуваме дека реваншот меѓу нив ќе биде на 21 декември во Саудиска Арабија.
