Стивен А. Смит се осврна на потенцијалниот меч на Конор Мек Грегор против специјалистот за гралинг Ислам Махачев. Тој изјави дека Мек Грегор „нема потреба“ да зачекори во октагонот со толку страшен противник. Нема смисла таква борба бидејќи брзо ќе заврши.
Ислам Махачев неодамна успешно ја одбрани светската титула во лесна категорија победувајќи го миленикот на навивачите Дастин Пориер. Махачев победи во петтата рунда со завршница, зголемувајќи ја импресивната серија без пораз на 14 последователни победи.
Неговиот доминантен настап му ја зацврсти позиција на бр. 1 на ранг-листата, иако претседателот на УФЦ Дана Вајт не се согласува. Како штитеник на легендата Хабиб Нурмагомедов, Махачев природно сака да го казни Конор Мек Грегор за навредите кои ги изрече.
Во пресрет на УФЦ 302 двајцата разменуваа вербални удари на социјалните мрежи и во интервјуата. Мек Грегор е особено агресивен кон Махачев, наследникот на неговиот поранешен противник Нурмагомедов. Нивната борба ќе продаде многу прегледи, но Стивен А. Смит не сака да ја гледа.
„Конор Мек Грегор нема пореба да биде во октагонот против граплер. Тоа е нешто што го прави Махачев. Овој брат е нешто посебно и нема да се обиде да го избоксира Мек Грегор. Ислам ќе го направи она што многупати се обиде во борбата со Пориер. Ќе се обиде да го собори Мек Грегор во нивната борба. Мислам дека ова е најлошата можна борба што би сакале да ја видиме во УФЦ.
Нема цел оваа битка. Буквално треба да протестираме ако се обидат да го стават Мек Грегор против Махачев. Верувам дека борбата ќе заврши во две рунди. Ќе го натера Мек Грегор да се предаде. Ова не е борбата што сакаме да ја видиме. Сакаме да го видиме Мек Грегор против удирачите. Не го сакаме Конор против граплери затоа што брзо ќе заврши“, рече Смит.
View this post on Instagram
