Претставници на европскиот бокс на високо ниво ја посетија Боксерската федерцаија на Македонија.
Во објавата на наштата боксесрка федерација се вели:
„За прв пат, високи претставници на европскиот бокс ја посетија Македонија. Претседателот на Федерацијата за бокс на Европа, д-р Јоанис Филипатос, надзорникот на Европа Сима Виорел Родбун и Габриеле Мартели, инструктор на ИБА, организираа официјален состанок со претседателот на Националната боксерска федерација, Фатон Салиху. На состанокот разговараа за состојбата и предизвиците што ги носи боксот во Македонија. Претставниците на ЕУБЦ се обврзаа да обезбедат постојана поддршка за Националната боксерска федерација, вклучувајќи го организирањето на Балканскиот шампионат во Северна Македонија и едно европско првенство, како и обука и лиценцирање на тренери и судии.
Оваа посета на високите претставници на европскиот бокс во Македонија претставува значаен чекор кон развојот и промоцијата на боксот во нашата земја. Споделувањето на знаењата и искуствата со лидерите на европскиот бокс покажува заеднички ангажман за омасовување на боксот во Македонија. Од нивната поддршка сите ние имаме можност да изградиме светла и успешна иднина за нашиот бокс и да ја потпомогнеме новата генерација на таленти во овој спорт. Овој партнерски однос ги креира потребните услови за развој и успех на нашите спортисти на меѓународната сцена“.
