Во првиот дел од годината се чинеше дека Тајсон Фјури и Aлександар Усик сигурно ќе се борат за титулата апсолутен шампион во тешка категорија, но преговорите потоа пропаднаа.
Сè беше блиску до договор за борбата на Вембли во април, откако Усик се согласи на поделба на хонорарот од 30-70 проценти во корист на Џипси Кинг, но тие на крајот се разделија поради финансиските влогови во реваншот.
И двајцата продолжија понатаму, Усик во август го победи Даниел Дубоа за да ги одбрани појасите на ВБА, ВБО и ИБФ, а Фјури ќе се соочи со поранешниот шампион на УФЦ Френсис Нгану на крајот на октомври.
Но, љубителите на боксот беа воодушевени од веста дека Фјури и Усик конечно се договорија за борба за обединување на титулата, која треба да се одржи на 23 декември или најдоцна во јануари следната година во Ријад.
Боксерската легенда Мајк Тајсон го даде своето предвидување за меч за обединување на титулата во тешка категорија за прв пат откако Ленокс Луис го направи тоа во 1999 година.
„Тајсон Фјури ќе го добие тој меч, ќе го надвладее. Усик не може да трча толку долго по него, Тајсон ќе го измори. Ќе се качи на него, а потоа ќе го набие“, рече Мајк Тајсон и додаде:
„Усик нема да освојува титули во низа. Јас сум негов голем обожавател, но нема да го победи Тајсон со движење, туку ќе мора да се бори со него“.
Ајрон Мајк верува дека Фјури уште некое време ќе доминира во тешка категорија.
