Џејк Пол го провоцираше Ентони Џошуа за време на првата средба лице в лице (ВИДЕО)

Џејк Пол и Ентони Џошуа се соочија за прв пат за време на неделата на борби по прес-конференцијата во среда во „Филмор Мајами Бич“.

Пол се соочува со најголемиот тест во неговата кариера досега – борба против поранешниот двократен светски шампион во тешка категорија Ентони Џошуа. Разликата во големината повторно беше очигледна na средбата лице в лице, при што Џошуа, висок 1,98 метри, се извишуваше над Пол, висок 1,85 метри.

Соочувањето беше набљудувано од Накиса Бидаријан од МВП и Еди Херн од „Мечрум боксинг“. Во типичен стил на Џејк Пол, тој се обиде да ја скрши тензијата со надувување на стомакот, правење гримаси и обидувајќи се да го провоцира Џошуа, кој остана целосно смирен.

Боксерскиот настан ќе се одржи во петок во центарот Касеја во Мајами и ќе се емитува во живо на Нетфликс.