Американско-хрватскиот борец Стипе Миочиќ ќе се обиде уште еднаш да дојде до тронот на најголемата светска ММА организација.
Миочиќ ќе се врати на УФЦ шампионатот во тешка категорија против Џон Џонс на 11 ноември во Медисон сквер гарден во Њујорк.
Нивниот меч ќе биде главен настан на УФЦ 295, кој деновиве исто така доби голема кохедлајн борба.
Имено, поранешните шампиони Алекс Переира и Јиржи Прохаска ќе се борат за титулата во полутешка категорија.
А во пресрет на настанот и мечот за појасот на УФЦ во тешка категорија се јави Жуниор дош Сантос, кој смета дека Миочиќ може да му направи големи проблеми на Џонс.
„Стипе Миочиќ заслужи да го предизвика Џон Џонс. Миочиќ е голем борец со солидно боречко искуство и многу му се восхитувам. Дана Вајт и УФЦ направија добар избор за тој меч, бидејќи ќе ги воодушеви навивачите и нема да пропуштам да го гледам“, изјави Жуниор дош Сантос и додаде:
„Најтешкиот удар во кариерата го добив од Миочиќ, едвај останав свесен. Стипе е голема закана за Џонс. И не треба многу да трошиме зборови на Џон, тој е фаворит против сите. Тоа е борба што не можете да ја пропуштите“.
Цигано верува дека за кратко време, кога Џонс и Миочиќ ќе се пензионираат, тешката дивизија ќе ја предводи Сергеј Павлович.
