Владимир Кличко одлучи

289

Иако има исклучително актрактивна понуда од стриминг платформата ДАЗН, Владимир Кличко одлучи да не се враќа во рингот оваа година.

Но, уште еден официјален меч е во плановите на украинската светска боксерска легенда, пишуваат медиумите во неговата татковина. Мотивацијата на поранешниот владетел во тешка категорија е да го собори рекордот на Џорџ Форман, кој стана светски шампион непосредно пред неговиот 46-ти роденден. Ова се случи на 5 ноември 1994 година во Лас Вегас, кога Форман го нокаутира Мајкл Мур и ја освои титулата на 45 години, 9 месеца и 16 дена. Ова е апсолутен рекорд што Владимир Кличко сака да го собори.

Препознавајќи ги заслугите на Украинецот, секоја светска боксерска организација ќе биде подготвена веднаш да назначи борба со актуелниот светски шампион. Таквата средба треба да се одржи не порано од 11 јануари 2022 година, кога Владимир ќе има 45 години, 9 месеци и 17 дена. Во Украина велат, пореално е да се има таков меч во пролетта 2022 година. Кличко ќе наполни 26 години на 26 март.

Тој е се уште во суперформа, која беше видена на неодамнешната конференција за спортски маркетинг на која говореше Владимир. Поранешниот боксер беше облечен со маица, а присутните новинари го забележаа дека обемот на мускулите на телото во никој случај не се помали од пред 2017 година, кога Кличко го избоксира последниот меч во кариерата. Тогаш беше поразен од Ентони Џошуа, кој, всушност, го пензионира.