Владимир Егоров е петти на Светското првенство во борење, Нуров не доби шанса за репасаж

Владимир Егоров го освои петтото место на Светското првенство во борење слободен стил за сениори во Загреб, Хрватска.

Егоров за бронзата ги одмери силите со Гуломјон Абдулаев од Узбекистан и загуби 1-3. Ова беше прилика за Егоров да ја круниса кариерата и со медал СП. Сепак, и ова е успех за македонското борење.

Егоров во репасажот славеше против Гарет Остин Сандерс од Канада со 10-0,  односно технички туш. Реџеп Хајдари загуби во репасажот од Самуел Шерер од Швајцарија 2-4.

Така, Владмир го оставри најдобриот резултат на ова СП за Македонија.

Ќе потсетиме дека Егоров е европски шампион од 2022 година кога на Европското првенство во Будимпешта, Унгарија, во финалето во категоријата до 57 килограми со 8-6 го совлада противникот од Азербејџан, Алиабас Рзазаде.

За жал, Могмаедгаџи Нуров не доби шанса во репасажот бидејќи Ахмед Тажудинов загуби од Иранецот Амирали Хамид Азарпира 2-5 и не се пласира во финалето.

Во првата борба Нуров славеше над Нишан Прет Синг Рандава од Канада со 5-3, а во осминафеналето загуби од фаворитот Тажудинов од Бахреин 0-10.

Резултати Светско првенство:

57 кг
Владимир Егоров – Аман Аман (Индија) 0-0 победа без борба
Владимир Егоров – Хусеин Албехадилалборс (Ирак) 10-0
Владимир Егоров – Бекзат Алмаз Уулу (Киргистан) 5-16
Репасаж
Владимир Егоров – Гарет Остин Сандерс (Канада) 10-0
За бронза
Владимир Егоров – Гуломјон Абдулаев (Узбекисатн) 1-3

97 кг
Могамедгаџи Нуров – Нишан Прет Синг Рандава (Канада) 5-3
Могамедгаџи Нуров – Ахмет Тажудинов (Бахреин) 0-10