Во недела се одржува Државното првенство во борење слободен стил за сениори и кадети во Велес. Се очекува ова првенство да биде едно од послините во последните неколку години.
„Организацијата е при крај, а најавено е учество на преку 100 борачи во двете возрасни категории“, вели Игор Мицевски – Скакар од БК Борец, технички организатор на првенството.
Враќање на душекот најави Дејан Митров, како и Бесмир Весели, Јасин Реџелари, Ертан Реџепи. Тука се и учесниците на Европското првенство Бобан Савев и Елмедин Сејфулаху.
Штета е што тешкашот Александар Стојанов нема да настапи на шампионатот, а кој работи во Греманија, но затоа силите ќе си ги испроба на Европското првенство во самбо во Минск, Белорусија од 19-21 мај.
Ipon.mk/В.Д.
