На Европското првенство за помлади сениори до 23 години во Шомабатели-Унгарија, сепак, ќе учествува и борачот на Вардар Владимир Егоров (57 кг), покрај пријавениот од ФБСМ Бехар Махмути.
Освен тоа што Егоров ќе се натпреварува, акредитација има добиено и неговиот тренер Љубиша Пешко.
На прес-конфернцијата во четвртокот претседателот на ФБСМ, Бетим Вренези, потврди дека на ЕП од 28 март до 2 април во Унгарија ќе учествува само Махмути и дека Егоров не ги почитувал повикот на тренерот на репрезентацијата и Правилникот и критериумите на Федерацијата и нема да биде дел од Европскиот шампионат.
Што се случило во меѓувреме ќе треба да објаснат од ФБСМ. Но не е јасно како ОСБ/UWW пријавува борачи и тренери по поединечни дописи и акредитации.
Како и да е, Егоров е добар борач чии апетити се поголеми од обично учество, туку ќе оди на медал.
Ipon.mk/В.Д.
