Претседателот на УФЦ, Дана Вајт потврди дека победникот во борбата меѓу Чен Сун Јунг и Брајан Ортега ќе биде следниот предизвикувач за титулата во перо категорија.
„Корејското зомби и Ортега треба да се сретнат во главната борба на вечерта на 17 октомври во Абу Даби за да утврдат кој ќе биде следниот противник на шампионот Александар Волкановски.
„Корејската зомби е суперarвезда. Тој беше повикан од јужнокорејската армија на врвот од кариерата, а откако го отслужи воениот рок имаше неверојатна битка со Јаир Родригез. Имаше и неколку повреди, но сега ќе има тешка битка со Ортега. „Возбуден сум за овој натпревар, бидејќи тоа ќе му даде на еден од нив шанса да се обиде за титулата“, изјави Вајт за Спорт илустрејтид.
Носителот на појасот до 66 килограми Волкановски последен пат зачекори во кафезот во јули кога по втор пат го победи Макс Холовеј. Летото се шушкаше дека победникот од мечот меѓу Јаир Родригез и Забит Магомешарипов ќе биде неговиот следен противник, но оваа средба беше одложена. Значи „Корејската зомби“ и Ортега го прескокнуваат Родригез, иако Мексиканецот има победа над Јунг.
