Претседателот на УФЦ, Дaна Вајт, рече дека му пристапил на поранешниот шампион во лесна категорија на неговата промоција Хабиб Нурмагомедов за можноста да се врати во октагонот. За жал, Дана повторно удри во ѕиз, бидејќи „Орелот“ го одбил.
Хабиб во кариерата имаше 29 борби и не претрпе ниту еден пораз. Нурмагомедов го најави своето повлекување од ММА во октомври 2020 година, веднаш по победата над Џастин Гејџи. Во октагонот Нурмагомедов рече дека оваа борба е негова последна.
Смртта на неговиот татко одигра голема улога во оваа одлука. До денес, Хабиб ја развива својата ММА организација и им помага на своите соборци. Сепак, Вајт продолжи да дава понуди, но беше одбиен.
„Неодамна го контактирав Хабиб Нурмагомедов за да видам дали е заинтересиран за нешто. Хабиб ми рече: „Јас сум во пензија, брат. Завршив со ММА.
Мислам дека Нурмагомедов никогаш нема да се врати во ММА“, изјави Вајт на каналот ММА Фокус на Јутјуб.
