Ронда Русеј не настапува од УФЦ 193,однонсо од борбата во која Холи Холм и ја одзеде титулата и и го нанесе првиот пораз во професионалната кариера. Денес, постојано се соочуваме со постојани шпекулации во врска со датумот на нејзиното враќање, како и противничката која ќе ќе ја дочека, а нешто повеќе детали откри Дана Вајт во интервју за ЕСПН.
„Ронда нема да се враќа до ноември. До тогаш може уште многу работи да се случат. Кој и да го поседува појасот во тој момент, веројатно, ќе биде нејзиниот следен противник“, рече Вајт.
Појас за кој зборува претседателот на УФЦ монетално е во сопственост на Миша Тејт, која за прв пат ќе го брани на јубилејниот УФЦ 200, на средбата со Аманда Нунес, Бразилката која ужива во серијата од три победи по ред.
