Вајлдер бесен, се заканува дека ќе го застрела братот (ВИДЕО)

На 4 април во Лондон, Англија, ќе се соочат ветераните во супертешка категорија, Дионтеј Вајлдер (44-4-1, 43 КО) и поранешниот предизвикувач Дерек Чисора (36-13, 23 КО). Ова за двајцата ќе биде 50-та професионална борба.

Чисора е во многу подобра форма во последно време – дури и победи во елиминациска борба на ИБФ. Вајлдер инсистира дека неговата серија порази е минато. Тврди дека постојат причини за тоа – повреди и семејни проблеми. Дионтеј се борел не само со сопругата, туку и со својот брат.

Во интервју со Ариел Хелвани, тој изјави: „Ако си ми брат… Ако цел живот се грижев за тебе, а ти ме предаде… Ти ме украде… Ме излажа… Јасно е дека срцето ми е скршено… Го избркав од моето кралство. Сите мостови се изгорени. Никогаш нема да се вратиш. Сега те гледам како непријател. И, ако некогаш дојде до точка каде што ќе ми се испречиш на патот, ќе те застрелам“.

Вајлдер објаснува дека никогаш порано не бил во ваква ситуација. „Бев како во јамка. И не можев да излезам. Многу е тешко кога мора да поминеш низ предавството на толку многу луѓе најблиски до тебе. Потрошив милиони на нив. И сите ме предадоа. Знаеш ли што мислам? Дури и сега едвај можам да ги задржам солзите. Поради болката. Бидејќи срцето сè уште ме боли. Но, барем тоа повеќе не е пречка. Тоа повеќе не е товар“.

"If you're my brother and I've took care of you, for damn near all your life… and you betrayed me, you steal from me, you lie to me, my heart is broken.

You were kicked out of the kingdom, the bridge is burned, you'll never come back. Now I look at you as an enemy. And if… pic.twitter.com/CnRZomzu51

— Ariel Helwani (@arielhelwani) February 4, 2026