Обединетиот светски шампион во тешка категорија Александар Усик зборува за потенцијална борба со мексиканската ѕвезда Сoл Алварез.
Усик моментално ги има титулите во тешка категорија на ВБА (супер), ИБФ, ВБО и ИБО. Тој е поранешен неприкосновен шампион во полутешка категорија. Алварез е неприкосновен шампион во супер средна категорија. Тој го имаше своето деби во полутешка категорија, но загуби со одлука од Дмитри Бивол во мај оваа година.
Александар се смета за еден од најголемите украински боксери на сите времиња. Ова го мотивираше Канело да зборува за борба меѓу нив. Усик не гледа никаква смисла во тоа од гледна точка на спортот, но има смисла поради парите.
„Сол зборуваше за тоа. Но, тоа е чудна битка. Тој боксираше на 76 килограми. Со која тежина сака да се бори со мене? Ќе се вклопам во 90,7 кила.
Ви велам, оваа борба е интересна само за оние кои можат добро да заработат од неа. Дали има смисла од боксерска перспектива? Не знам! Навивачите би биле заинтересирани.
Секако, Мексиканците ќе бидат заинтересирани поради предизвикот и се останато. Можеби ќе заработиме дополнителни пари“, рече Усик за Сасплајн спорт.
