MMA настанот УФЦ он ФОКС 16/UFC on FOX 16 се одржа денеска во Чикаго и како главен меч ја вклучуваше средбата за титулата во бантам категорија меѓу ТЈ Дилашоу и Ренан Барао, која му припадна на ТЈ.
Реваншот меѓу двајцата почна нормално – ТЈ со својата вообичаена промена на движењето, а Барао со најбрз притисок. Во првата рунда, двајцата разменија доста удари, а бројките беа на страната на ТЈ. Во втората рунда, двајцата продолжија со разамената на удари, а кон крајот ТЈ се обиде да го собори противникот, но не успеа и одлучи да го притисне до оградата од кафезот до крајот на рундата. Во третата рунда ТЈ одлучи да го забрза темпото. Тој изгледаше многу побрз од Барао, кој почна тешко да се движи, а со тоа и да нанесува удари. Бразилецот се обиде да направи тејкдаун, но ТЈ успешно се одбрани и речиси му дојде зад грб. Во вториот обид за тејкдаун од Барао, TJ го закова за кафезот при што му нанесе силни удари.
Во четвртата рунда TJ едноставно блесна. Тој го притисна Барао кон ќелијата уште во почетокот и се ослободи. Речиси секој удар на Американецот завршуваше каде што треба. Дуелот можеше да биде прекинат и порано, но судијата процени дека треба да продолжи, иако Барао беше речиси во несвест на неколку пати.
Во подглавниот настан Миша Тејт се сретна Џесика Ај во меч, кој, можеби, беше за предизвикувачкото место во бантам категорија кај.
Во првата рунда Ај почна добро, но беше соборена од една тешка десница на Тејт. Во втората рунда Тејт се обиде повторно да зададе силни удари и пак ја собори Ај. Кон крајот на рундата Тејт се обиде и со гилотина, но времето беше немилосрдно и истече.
Во третата рунда и двете натпреварувачки претпочитаа да се борат во стоечка позиција додека Тејт не ја урна противничката. Така дојде во доминантна позиција. Откако се испарвија, побрзаа со удари една кон друга, но времето истече. Едногласно, победата и беше доделена на Тејт.
Еве ги сите резултати од UFC on FOX 16:
T.J. Dillashaw го победи Renan Barao со TKO (Round 4, 0:35)
Miesha Tate ја победи Jessica Eye со судиска одлука (30-27, 30-27, 30-27)
Edson Barboza го победи Paul Felder со судиска одлука (29-28, 29-28, 29-28)
Joe Lauzon го победи Takanori Gomi со KO (Round 1, 2:37)
Tom Lawlor го победи Gian Villante со KO (Punch, Round 2, 0:27)
Jim Miller го победи Danny Castillo со судиска одлука (29-28, 28-29, 29-28)
Ben Saunders го победи Kenny Robertson со судиска одлука (29-28, 28-29, 29-28)
Bryan Caraway го победи Eddie Wineland со судиска одлука (30-27, 29-28, 29-28)
James Krause го победи Daron Crгuickshank со клуч (RNC, Round 1, 1:27)
Andrew Holbrook го победи Ramsey Nijem со судиска одлука (29-28, 28-29, 29-28)
Elizabeth Phillips го победи Jessamyn Duke со судиска одлука (29-28, 29-28, 29-28)
Zak Cummings го победи Dominique Steele со TKO (Round 1, 0:43)
