Фановите повторно ќе можат да уживаат во УФЦ настани во живо, иако во многу ограничена верзија. Според Одделот за култура и туризам во Абу Даби, трите настани на УФЦ закажани за овој месец ќе имаат ограничена публика на новата „Етихад арена“.
@DCTAbuDhabi is to host the third instalment of UFC Fight Island on @yasisland from 16 to 24 January, welcoming a limited number of spectators to the new Etihad Arena. pic.twitter.com/ALyCyaCRrx
— مكتب أبوظبي الإعلامي (@ADMediaOffice) January 7, 2021
Според Министерството, мерките се доволно стабилни за да се овозможи ограничен број гледачи да бидат присутни во салите. Сепак, точниот број сè уште не е прецизиран.
Првиот настан ќе се одржи на 16 јануари со главна битка меѓу Макс Холовеј и Калвин Катар.
Следниот настан ќе биде на 20 јануари со борбата помеѓу Мајкл Киеза и Нил Магни, а кулминација ќе биде УФЦ 257, што го вклучува мечот меѓу Конор Мек Грегор и Дастин Пориер.
Сè уште не е познато дали и кога навивачите ќе бидат примени на други настани во други држави и градови, како што е Лас Вегас, каде што ќе се одржат претстојните настани на организацијата.
