На „13 Ноември“, по повод денот на ослободувањето на Скопје, ќе се одржи „Ден на боречките вештини“ во организација на Кик боксинг федерацијата на Македонија.
Ова е продолжување на традицијата на „Ноќта на боречки вештини“ што ја организраше првиот претседател на Кик боксинг федерацијата на Македонија, Љупчо Неделковски.
Настанот ќе се одржи во трговскиот центарот „Веро– Џамбо“ и ќе трае од 17 до 20 часот.
„Овој настан традиционално се одржува веќе секоја година, неколку години наназад, во соработка со град Скопје. Настанот ќе биде од заеднички интерес, со учество на неколку национални федерации и преставување на нивните спортови, кои се од голем интерес за широките маси, а со тоа воедно да дадеме поттик кај младите да се запознаат повеќе со секоја боречка вештина и да одберат некоја од нив со која би се занимавале“, велат од КБФМ.
Ipon.mk
