Тони Јока го нокаутира Петар Милас на карајот од седмата рунда

Хрватскиот боксер Петар Милас (15-1, 11 КО) го претрпе првиот пораз во кариерата. Сплиќанецот загуби од поранешниот олимписки победник во Рио Тони Јака (11-0, 9 КО) на боксерски настан на стадионот Ролан Гарос на крајот од седмата рунда.

Милас пружи голем отпор во првите шест рунди, но можеше да се забележи дека Јока добро се подготвил и само ја чекаше приликата. И таа пристигна на крајот од седмата рунда.

Французинот прво добро го затресе Петар, кој падна, а по броењето на судијата ја продолжи борбата. Но, следеше уште еден удар, по што тој заврши во нокдаун.

Судијата повторно почна да брои, но Милас повеќе не можеше да продолжи.

Французинот имаше одлична аматерска кариера и во 2015 година стана светски аматерски шампион.

Најголемиот успех го постигна во 2016 година во Рио кога освои златен медал на Олимпијадата.

Последната борба Јока ја имаше во март кога го победи Белгиецот Јоел Тамбве со нокаут во 12 -та рунда.

Со оваа победа, Французинот го освои појасот во тешка категорија ЕБУ.

И Милас имаше прилично долга пауза, не се бореше од октомври 2019 година кога го победи Јужноафриканецот Џони Мулер со едногласна одлука.

ПОВРЗАНИ ВЕСТИ

ПОПУЛАРНО