Тајсон Фјури веќе се подготвува за дебито во ММА. Поранешниот шампион во бокс во тешка категорија направи тренинг со ММА ракавици со еден од најдобрите борци во УФЦ, Дарен Тил.
Видеото покажува дека Тил се здружува со Тајсон додека боксерот тренира удари со колена, лакти и тупаници, а како и одбрана од соборување.
„Кралот на Циганите“ пред некое време изјави дека е подготвен да се соочи со шампионот на организацијата Стипе Миочиќ и со Камерунецот со тешки удари Френсис Нгану. Британскиот боксер веќе го направи дебито во кечерското борење, но до овој момент не е објавен негов меч според правилата на ММА. Тој сподели дека мисли да работи со поранешниот шампион во УФЦ, Конор Мек Грегор.
