Тајсон Фјури ги започна подготовките за мечот со светскиот шампион во тешка категорија во четири федерации, Владимир Кличко, кој ќе трае четири месеци.
Штабот на Фјури избра подготовките да ги почнат на Азурниот брег – во Кан (Франција). Британецот забележа дека сега е најголемата жештина во Кан и се надева дека за четири месеци ќе ослаби 45 килограми.
„Тука е жештина и во текот на ноќта. Започнав тешка работа, кучешка. Ми претстои период во кој треба да симнам околу 45 килограми, за да не сум дебел. Сепак сум професионален боксер“, изјави Фјури.
